Read Time : < 1 मिनेट
२०७९ कार्तिक १४ सोमबार १२:१०:००
चितवनको माडीमा छोराले बाबुलाई खुकुरी प्रहार गरेका छन् । आइतबार राति ६५ वर्षीय रामबहादुर गुरुङलाई आफ्नै छोराले खुकुरी प्रहार गरेर घाइते बनाएपछि उनी अहिले अस्पतालमा छन् । उनको निधार र टाउकोमा चोट लागेको छ ।
माडी ६ रामराज्यपुरका गुरुङको अहिले चितवन मेडिकल कलेज भरतपुरमा उपचार हुँदै छ । खुकुरी प्रहार गर्ने छोरा राजन गुरुङ भने फरार रहेको जिल्ला प्रहरी कार्यालय चितवनले जनाएको छ।
