सहरमा कफीका पारखीहरू धेरै छन् । त्यसअनुसार कफीका प्रकार पनि छन् । चाहेअनुसारको, आफ्नो स्वादअनुसारको कफी पिउन सकिन्छ । कफीका पसलहरू पनि प्रशस्तै छन् । त्यहाँ मेसिनले कफी बनाइन्छ । तर, घरैमा पनि स्वादिष्ट कफी बनाउन सकिन्छ ।
यसका लागि अलि मिहिनेत भने आवश्यक हुन्छ । डेढ अथवा दुई चियाचम्चा कफी गिलासमा हाल्नुस् । त्यहाँ आफूले खानेअनुसारको चिनी हाल्नुस् । दुई–तीन थोपा तातो पानी हाल्नुस् । र चम्चीले चलाउन थाल्नुस् । निरन्तर गिलासमा कफी घोटिसकेपछि चार–पाँच मिनेटपछि सेतो लेदो बन्न थाल्छ ।
लेदो बनेपछि त्यहाँ आफूलाई चाहिनेअनुसारको पानी हाल्नुस् । बिस्तारै चलाउनुस् । क्यापाचिनो खान मन लागेमा दूध हाल्नुस् । स्वादिष्ट कफी तयार हुन्छ ।