पूर्व–पश्चिम राजमार्गको चन्द्रनिगाहपुर बागमती सडकखण्डमा आज बिहान भएको सवारी दुर्घटनामा तीजनाको ज्यान गएको छ । सर्लाहीबाट रौतहटको चन्द्रनिगाहपुरतर्फ आउँदै गरेको प्रदेश २–२००१ह२१०९ नम्बरको टेम्पुलाई काठमाडौंबाट सर्लाहीतर्फ जाँदै गरेको बागमती ०३–००१ख२०१ नम्बरको रात्रिबसले ठक्कर दिँदा सर्लाहीको बागमती नगरपालिकाका तीनजनाको ज्यान गएको हो ।

मृतकमध्ये सर्लाहीको बागमती नगरपालिका साेल्टी घर भएका ढकबहादुर लुंगेली मगरको मात्र सनाखत भएको इलाका प्रहरी कार्यालय चन्द्रनिगाहपुरका डिएसपी सन्तुप्रसाद जयसवारले जानकारी दिएका छन् । मृतक दुईजना पुरुषको सनाखत हुन बाँकी रहेको डिएसपी जयसवारले बताए । ठक्कर दिने बसलाई इलाका प्रहरी कार्यालय चन्द्रनिगाहपुरले नियन्त्रणमा लिएको छ ।