सरकारले विश्व बैंकबाट हरित, उत्पादनशील र समावेशी विकासका लागि प्राप्त हुने एक सय मिलियन अमेरिकी डलर (करिब १२ अर्ब ७० करोड रुपैयाँ) बराबरको सहुलियतपूर्ण ऋण सहायता स्वीकार गर्ने निर्णय गरेको छ । साउन २६ गते बसेको मन्त्रिपरिषद्को बैठकले यस्तो निर्णय गरेको हो । आइतबार मन्त्रिपरिषद्का निर्णय सार्वजनिक गर्दै सरकारका प्रवक्ता ज्ञानेन्द्रबहादुर कार्कीले सरकारले कर्मचारीहरूको नयाँ तलबमान र ग्रेड स्वीकृत गर्ने निर्णय गरेको पनि जानकारी दिए ।
प्रवक्ता कार्कीका अनुसार सरकारले साउन १ गतेदेखि लागू हुने गरी आर्थिक वर्ष ०७९–८० को नयाँ तलबमान र ग्रेड सरकारले स्वीकृत गरेको हो । उनले जापान सरकारबाट पूर्वीतराईको सिँचाइ प्रणाली पुनर्स्थापना आयोजनाका लागि प्राप्त हुने दुई हजार दुई सय ५६ मिलियन जापानी येन (करिब दुई अर्ब १३ करोड ६४ लाख) अनुदान सहायता पनि सरकारले स्वीकार गरेको बताए ।
यस्ता छन् निर्णयहरू :