Read Time : < 1 मिनेट
२०७९ श्रावण २४ मंगलबार २३:३३:००
ताप्लेजुङ जिल्लाको मैवाखोला गाउँपालिका– २ मा रहेको मैवाखोला माध्यमिक विद्यालय कोरोना संक्रमणका कारण बुधबारदेखि १० दिनसम्मका लागि बन्द हुने भएको छ ।
विद्यार्थीलाई रुघाखोकी तथा ज्वरो आएपछि एन्टिजेन परीक्षण गरिएको थियो । ३७ जना विद्यार्थीमा गरिएको एन्टिजेन परीक्षणमा एकजनालाई कोरोना देखियो । सो परीक्षणबाट एकजनामा कोरोना देखिएपछि विद्यालय बन्द गर्नुपरेको मैवाखोला गाउँपालिकाका अध्यक्ष विजय किराँतले बताए ।
उता, कोभिड समन्वय समितिका अध्यक्ष तथा प्रमुख जिल्ला अधिकारी महेश पोख्रेलले पनि उक्त विद्यालयलाई बन्द गर्न निर्देशन दिइएको बताए ।