गायन रियालिटी सो द भ्वाइस अफ नेपालको चौथो सिजनको कोचमा राजेश पायल राई र प्रविशा अधिकारी रहने भएका छन् । प्रमोद खरेल र राजु लामाले भने निरन्तरता पाएका छन् । तीन सिजनसम्म कोच रहेका वरिष्ठ गायक दीप श्रेष्ठ यो सिजनमा नरहने भएका छन् ।
कार्यक्रम हिमालय टेलिभिजनबाट हरेक शुक्रबार र शनिबार राति ८ बजे प्रसारण हुनेछ । डिजिटल अडिसनमा सहभागी ४१ हजार आवेदकमध्येबाट छानिएका एक सय २० प्रतिभा ब्लाइन्ड अडिसनको तयारीमा जुटेका छन् ।