उदयपुरमा सोमबार बस दुर्घटना हुँदा १२ जना घाइते भएका छन् । जिल्लाको कटारी नगरपालिका–४ मरुवास्थित सिद्दिचरण राजमार्गमा सोलुखुम्बुबाट विराटनगरतर्फ जाँदै गरेको बा ३ ख २९५६ नम्बरको बस दुर्घटना हुँदा १२ जना घाइते भएका हुन् ।
दुर्घटनामा परी सामान्य घाइते भएकाहरूको कटारी अस्पतालमा र गम्भीर घाइत हुनेहरूलाई विराटनगर पठाइएको जिल्ला प्रहरी कार्यालयका प्रहरी निरीक्षक मोहन थापाले बताए । ३६ जना यात्रु सवार बस ब्रेक फेल भएर दुर्घटनमा परेको प्रहरीले जनाएको छ ।