- वि.सं २०८१ बैशाख ७ शुक्रबार
पेट्रोलियम ढुवानी व्यवसायी आन्दोलित भएका छन् । पेट्रोलियम पदार्थको ढुवानी भाडा समायोजनसहितका तीनबुँदे माग गर्दै व्यवसायी आन्दोलित भएका हुन् ।
नेपाल पेट्रोलियम ढुवानी व्यवसायी महासंघले आइतबार विज्ञप्ति जारी गरी सोमबारदेखि देशव्यापी आन्दोलनको घोषणा गरेको छ । व्यवसायीले सोमबारदेखि हवाई इन्धनको ढुवानी रोक्ने भएका छन् ।
२० गतेदेखि देशभरका पेट्रोलियम ढुवानी ट्यांकरहरूले पिडिओ नलिने पनि विज्ञप्तिमा उल्लेख छ । २१ गतेदेखि सम्पूर्ण ट्यांकरबाट लोड/अनलोड नगर्ने उनीहरूले चेतावनी दिएका छन् । हालको ढुवानी भाडाबाट ट्यांकर सञ्चालन गर्न नसकिने महासंघको भनाइ छ ।
