दुग्ध विकास संस्थानलाई ठगी गर्ने व्यक्ति पक्राउ परेका छन् । प्रहरीको केन्द्रीय अनुसन्धान ब्युरो (सिआइबी)ले व्यवसायी दीपेन्द्रकुमार चौरसियालाई बिहीबार पक्राउ गरेको हो ।
उनले संस्थानलाई करिब एक करोड रुपैयाँ ठगी गरेको सिआइबीले जनाएको छ । संस्थानकै जाहेरीका आधारमा उनी पक्राउ परेका हुन् । दुग्धजन्य पदार्थको कारोबारको क्रममा उनले संस्थानलाई चेक दिएको र सो चेक बाउन्स भएको थियो ।