मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका काठमाडौं
२०७९ श्रावण १२ बिहीबार १५:२२:००
Read Time : < 1 मिनेट
समाचार डिजिटल संस्करण

अमेरिकी दूतावास भन्छ– सहायक विदेशमन्त्रीको नियमित भ्रमण हो

Read Time : < 1 मिनेट
नयाँ पत्रिका, काठमाडौं
२०७९ श्रावण १२ बिहीबार १५:२२:००

दक्षिण तथा मध्यएसियाली मामिलासम्बन्धी अमेरिकी सहायक विदेशमन्त्री डोनाल्ड लु नियमित भ्रमणको क्रममा नेपाल आउन लागेको नेपालस्थित अमेरिकी दूतावासले स्पष्ट पारेको छ । अमेरिकी दूतावासले बिहीबार विज्ञप्ति जारी गरी यस क्षेत्रको नियमित भ्रमणको सिलसिलामा लु दुईदिने भ्रमणमा नेपाल आउन लागेको स्पष्ट पारेको हो ।

त्यसक्रममा सहायक विदेशमन्त्री लुले नेपालस्थित अमेरिकी उत्पादनकर्ता कम्पनी पूर्णालाई अमेरिकी विदेशमन्त्रीद्वारा वार्षिक रूपमा प्रदान गरिने कर्पोरेट एक्सलेन्स अवार्ड प्रदान गर्ने दूतावासले जनाएको छ ।

दूतावासले जारी गरेको विज्ञप्तिमा पूर्णा परम्परागत रूपमा सीमान्तकृत व्यक्तिहरू र शोषणबाट बचेकाहरूको सशक्तीकरण गर्दै नीतिपरक उत्पादनको प्रवर्द्धन गर्ने कम्पनी भएको उल्लेख छ । ‘नेपाल बसाइका क्रममा लुले व्यापार, नागरिक समाज र सरकारका नेतृत्वकर्तासँग पनि भेटघाट गर्नुहुनेछ,’ विज्ञप्तिमा उल्लेख छ ।