नेपाली कांग्रेसका केन्द्रीय सदस्य बलबहादुर केसीले स्थानीय निर्वाचनमा पार्टीका उम्मेदवारलाई असहयोग गर्ने नेताहरूलाई कारबाही गर्नुभन्दा पहिले पार्टी सभापति शेरबहादुर देउवा र रामचन्द्र पौडेललाई कारबाही गुर्नपर्ने बताएका छन्।
निर्वाचनमा असहयोग गरेकालाई कारबाही गर्नुपर्ने पार्टीभित्र उठेको बताउँदै उनले भने, ‘गठबन्धन भएका ठाउँमा स्वतन्त्र उठेका र असहयोग गरेकालाई कारबाही गर्ने हो भने सबैभन्दा पहिला शेरबहादुरजी र रामचन्द्रजीलाई गर्नुपर्छ। किनभने उहाँहरूले नै हामीलाई अन्त भोट हाल्न सिकाएको हो ।’
उनले कांग्रेस गठबन्धनको विषयलाई लिएर विभाजित हुन नहुने बताए । यसबारे सभापति देउवाले पार्टीलाई मिलाएर एक बनाएर लैजानुपर्ने उनको धारणा छ। ‘गठबन्धन गर्ने, नगर्ने भनेर विभाजित नहौँ। कांग्रेस एक हुनुपर्छ। पार्टी मिलाएर जानुपर्छ, सभापतिजीले पार्टी मिलाएर लैजानुस्,’ उनले भने ।