ललितपुरको महालक्ष्मी नगरपालिका– ४ इमाडोल पीपलबोटबाट एक थान पेस्तोल र त्यसमा प्रयोग हुने दुई राउन्ड गोलीसहित एकजनालाई प्रहरीले पक्राउ गरेको छ। सोही नगरपालिका– ८ लुभु बस्ने ५३ वर्षीय श्यामकृष्ण श्रेष्ठलाई प्रहरीले पक्राउ गरेको हो।
स्थानीयको सूचनाको आधारमा प्रहरी प्रभाग इमाडोलबाट खटिएको प्रहरीले पार्किङ गरी राखेको प्रदेश ३–०२–०१५ प ६५४१ नम्बरको स्कुटरलाई जाँच गर्ने क्रममा डिकीभित्र लुकाएर राखेको उक्त हातहतियार फेला पारेको हो।