बैशाख ५ भित्र अवैध हातहतियार नबुझाए कानुनी कारवाही
व्यक्तिले विना इजाजत राखेका हातहतियार नबुझाए प्रहरीले कानुनी कारवाही थाल्ने भएको छ । जिल्ला प्रशासन कार्यालय लमजुङले अवैध हातहतियार र खरखजना बुझाउने सम्बन्धि नेपाल सरकार गृहमन्त्रालले प्रकाशित गरेको सूचना सर्वाजनिक गर्र्दै हतियार बुझाउन आग्रह गरेको हो ।
अवैध हातहतियार संकलनका क्रममा यहि चैत्र १ गते प्रकाशित सूचना अनुसार सूचना प्रकाशनको ३५ दिनभित्र अर्थात २०७६ बैशाख ५ गतेभित्र नजिकको प्रहरी चौकी, जिल्ला प्रहरी कार्यालय वा नेपाली सेनाको व्यारेकमा बुझाउन भनिएको छ ।
विना इजाजत राखेका हतियार, नवीकरण नगराइ वा इजाजतप्राप्त व्यक्तिको मृत्युपश्चात हकवालाको नाममा नामसारी नगराई कुनै पनि व्यक्तिले हातहतियार राखेको भएमा तोकिएको समयभित्र बुझाउन अनुरोध गरिएको छ । विना इजाजत आफूसँग भएको हतियार खरखजना स्वेच्छाले बुझाएमा कुनै कारवाहि नगरिने प्रहरीले जनाएको छ । यदि तोकिएको अन्तिम समयसम्म नवुझाएमा कानुनको दायरामा ल्याइने भएको छ ।