Read Time : < 1 मिनेट
२०७९ असार १३ सोमबार ०८:१६:००
जिल्ला प्रहरी कार्यालय चितवनले कटुवा पेस्तोल र दुई राउन्ड गोलीसहित एकजनालाई पक्राउ गरेको छ । पक्राउ पर्नेमा भरतपुर महानगरपालिका– १० स्वामीचोक घर भई हाल भरतपुर– ५ विकासचोक बस्ने ३२ वर्षीय प्रकाश विक रहेका छन् ।
विकको कोठामा शंका लागी चेकजाँच गर्ने क्रममा आइतबार पेस्तोल, गोली, नगद एक लाख १४ हजार, सुनको सिक्री एक थान र पाँच थान मोबाइल बरामद भएको जिल्ला प्रहरी कार्यालय चितवनले जनाएको छ । घटनाको थप अनुसन्धान भइरहेको प्रहरीको भनाइ छ ।