Skip This
कवि अनिता न्यौपानेको कवितासंग्रह ‘फूलको विद्रोह’को शनिबार काठमाडौंस्थित प्रज्ञा प्रतिष्ठानमा भएको कार्यक्रममा विमोचन भएको छ । साहित्यकारहरू श्यामल, लक्ष्मण गाम्नागे, निमेष निखिल र ज्ञानु अधिकारीले कृतिको विमोचन गरे ।
कार्यक्रममा बोल्दै श्यामलले साहित्यले समाज बोल्नुपर्ने बताए । समाजलाई सही मार्गमा हिँडाउनका लागि साहित्यले खबरदारी गर्नुपर्ने उनको भनाइ थियो । अनिताको कृतिले देश, समाजमा भएका हरेक पक्षलाई काव्यिक रूपमा व्यक्त गर्न सफल भएको श्यामलले बताए ।
कवि निमेष निखिलले कृति पठनीय र सशक्त रहेको बताए । उनले समाजका यावत् कुरालाई सचेततापूर्वक कवितामा व्यक्त गरेकाले पाठकको रोजाइमा पर्ने उल्लेख गरे । अनिताको यो पहिलो कृति हो । १२१ पृष्ठको पुस्तकमा ४५ कविता छन् । पुस्तक मञ्जरी पब्लिकेसनले प्रकाशन गरेको हो ।
