- वि.सं २०८१ बैशाख १३ बिहीबार
बाराको सिमरास्थित हुलास स्टील इण्डस्ट्रिजको गाेदाममा शनिबार आगलागी भएको छ ।
कम्पनीको कवाडी जम्मा गर्ने गाेदाममा शनिबार १२ः१५ मा आगलागी भएको हो । गाेदाममा रहेको ग्यासबाट फलाम टुक्राउने क्रममा निस्केको झिल्कोले आगलागी भएको प्रहरीले जनाएको छ ।
गाेदाममा लागेको आगो सशस्त्र प्रहरी, जनपथ प्रहरी र कम्पनीका कामदारहरुको सहयोगमा जीतपुरसिमरा उपमहानगरपालिका र नेपाल आयल निगमको वारुणयन्त्रद्वारा करिब ३० मिनेटपछि पूर्ण नियन्त्रणमा आएको छ ।
आगलागीबाट भएको क्षतिको विवरण संकलन कार्य भइरहेको इलाका प्रहरी कार्यालय सिमराका प्रहरी निरीक्षक सुबास हमालले बताए ।
