वडा कार्यालयमार्फत विपन्न विद्यार्थीलाई शैक्षिक सामग्री वितरण

२०७५ चैत १ शुक्रबार १३:०२:०० | कालिकोट

जिल्लाको नरहरिनाथ गाउँपालिका ५ ले विपन्न विद्यार्थीलाई शैक्षिक सामग्री वितरण गरेको छ । शैक्षिक सामग्रीको अभावमा विपन्न वर्गका विद्यार्थी विद्यालय जानबाट बञ्चित हुने अवस्था आएपछि शैक्षिक सामग्री वितरण गरेको हो । 

वडा कार्यालयले वडा भित्रका विपन्न, टुहुरा विद्यार्थीलाई झोला, स्कुल ड्रेस, कापी किताब लगायतका शैक्षिक सामग्री वितरण गरेको वडा अध्यक्ष गगन फडेराले बताए । ‘विपन्न विद्यार्थीहरु शैक्षिक सामग्रीको अभावमा विद्यालय जान रोकिने अवस्था आयो ।’ उनले भने,‘विद्यालय पठाउनको लागि शैक्षिक सामग्री वितरण गरिएको हो ।’ ‘कुनै पनि बालबालिका गरिबीका कारणले स्कुल जानबाट बञ्चित नहुन भन्ने उदेश्यले छात्रबृत्तिको कार्यक्रम ल्याएका छौं ।’ 

प्रतिकृया दिनुहोस