पोखरा महानगरपालिकामा गठबन्धन दलहरूको तर्फबाट मेयरका उम्मेदवार नेकपा एकीकृत समाजवादीका धनराज आचार्यले मतान्तर बढाउँदै लगेका छन् । पछिल्लो परिणामअनुसार ५८ हजार १२२ मतगणना हुँदा आचार्यले २४ हजार ३२ मत प्राप्त गरेका छन् ।
उनका प्रतिस्पर्धी नेकपा एमालेका मेयर उम्मेदवार कृष्ण थापाले २१ हजार १८७ मत प्राप्त गरेका छन् । आचार्यभन्दा थापा दुई हजार ८४५ मतले पछाडि छन् ।
राप्रपाका शंकर खरालले दुई हजार ४१३ मत ल्याएका छन् । स्वतन्त्र उम्मेदवार गनेश पौडेलले एक हजार ३८८ मत प्राप्त गरेका छन् ।
गठबन्धनको तर्फबाट उपमेयर पदका उम्मेदवार कोपिला रानाभाटले २४ हजार ३०४ मतसहित अग्रता कायम राखेकी छिन् ।
नेकपा एमालेको तर्फबाट उपमेयर उम्मेदवार मञ्जु गुरुङले २४ हजार २०६ मत ल्याएर रानाभाटलाई पछ्याइरहेकी छिन् ।
राप्रपाको तर्फबाट उपमेयर उम्मेदवार रञ्जना सेनले दुई हजार २१ मत प्राप्त गरेकी छिन् । पोखरा महानगरपालिकामा एक लाख ४३ हजार २२६ मत खसेको थियो ।