प्रहरीले अवैध रूपमा भारतबाट नेपाल भित्र्याउँदै गरेको रु. २८ लाखभन्दा बढीको सुनसहित एक व्यक्तिलाई पक्राउ गरेको छ। पक्राउ पर्नेमा कैलाली घर भई हाल दमक नगरपालिका– २ बस्ने ३३ वर्षीय धीरेन्द्र जैसी रहेको १ नम्बर प्रदेश प्रहरी कार्यालय विराटनगरले जनाएको छ।
जैसीलाई इलाका प्रहरी कार्यालय काँकडभिट्टाको टोलीले मंगलबार मेचीनगर– ६ स्थित पुरानो मेची पुलछेउबाट पक्राउ गरेको हो। जैसीको साथबाट बरामद गरिएको ३४९.७०० ग्राम सुन हालको बजार मूल्यअनुसार २८ लाख ८७ हजार एक सय ८२ रुपैयाँबराबरको रहेको १ नम्बर प्रदेश प्रहरी कार्यालयका प्रवक्ता नवीनराज राईले बताए।
पक्राउ गरिएका जैसीलाई सुनसहित मेची भन्सार कार्यालय काँकडभिट्टामा बुझाइएको प्रहरीले जनाएको छ। रासस