- वि.सं २०८१ बैशाख ७ शुक्रबार
सप्तरीको हनुमाननगर कंकालिनी नगरपालिकाको प्रमुखमा जनमत पार्टीका उम्मेदवार निर्वाचित भएका छन् । जनमतका मेयर पदका उम्मेदवार वीरेन्द्र माझी ६ हजार चार सय सात मत प्राप्त गर्दै निर्वाचित भएका हुन् ।
उनका निकटतम् प्रतिद्वन्द्वी जनता समाजवादी पार्टी (जसपा)का मेयर पदका उम्मेदवार शैलेशकुमार साहले ६ हजार दुई सय ४६ मत प्राप्त गरेका छन् । साह निवर्तमान मेयर हुन् भने सप्तरी निर्वाचन क्षेत्र नं १ (ख) को प्रदेश सभा सदस्य एवम् मधेस प्रदेशका सामाजिक विकासमन्त्री नवलकिशोर साहका पुत्र हुन् ।
त्यस्तै, उपमेयरमा जसपाकी उम्मेदवार सरितादेवी यादव सिपालिया निर्वाचित भएकी छिन् । उनले ६ हजार पाँच सय १२ मत प्राप्त गरेकी छिन् । उनका निकटतम् प्रतिद्वन्द्वी जनमतकी रेखादेवी मण्डलले पाँच हजार नाै सय ८२ मत प्राप्त गरिन् ।
