सल्यानको कुमाख गाउँपालिकामा नेपाली कांग्रेस र नेकपा एमालेको गठबन्धन विजयी भएको छ। ४६ मतको अन्तरले गाउँपालिका अध्यक्षमा नेपाली कांग्रेसका मानबहादुर बुढाथोकी विजयी भएका छन्।
उनका निकटतम प्रतिद्वन्द्वी नेकपा माओवादी केन्द्रका डिल्लीराज जैशीले ४ हजार १२ मत प्राप्त गरेका छन् भने विजयी बनेका बुढाथोकीले ४ हजार ५८ मत प्राप्त गरेका हुन्। 

त्यस्तै उपाध्यक्षमा पनि गठबन्धनबाट एमालेका लालबहादुर रावत विजयी बनेका छन्। रावतले ४ हजार १ सय ४३ मत प्राप्त गरेका छन् भने माओवादीका धनसरा मल्लले ३ हजार ९ सय ४३ मत प्राप्त गरेका छन्। नेपाल बार एसोसिएसनका अध्यक्षसमेत रहेका रावत उपाध्यक्षमा विजयी भएका हुन्।