Read Time : < 1 मिनेट
२०७९ बैशाख ३० शुक्रबार २२:०६:००
हिमाली जिल्ला मनाङका तीन स्थानीय तहमा मतगणना सुरु भएको छ । मनाङको चामे, मनाङ ङिस्याङ र नासों गाउँपालिकामा मतगणना सुरु भएको हो ।
मुख्य निर्वाचन अधिकृत पुनाराम खनालले मनाङका सबै स्थानीय तहको मतगणना शुकबार राति नै हुने बताए ।मनाङको विकट नार्पाभूमिबाहेक ३ वटै गाउँपालिकामा मतगणना सुरु गरिएको हो ।
नार्पाभूमिका वडाको मतपेटिका निर्वाचन अधिकृतको कार्यालयमा राति संकलन हुने र सर्वदलीय सहमतिअनुसार अघि बढ्ने निर्णय भएको छ । कुल ६ हजार ४ सय ९६ मतदाता रहेकोमा ४ हजार ६७ अर्थात् कुल मतको ६३ प्रतिशत मत खसेको मुख्य निर्वाचन अधिकृतको कार्यालयले जनाएको छ ।