दार्चुलाकाे शैल्यशिखर नगरपालिका वडा नम्बर ६ को पशुपति भवन माविमा झडप भएको छ । नेपाली कांग्रेस र नेकपा एमालेका कार्यकर्ताबीच मतदान केन्द्रमै झडप भएको हो । मतदान गर्ने विषयमा मतदाताबीच विवाद भएपछि झडप भएको जिल्ला प्रहरी कार्यालय दार्चुलाका डिएसपी प्रतीक विष्टले जानकारी दिए ।

झडपलाई नियन्त्रणमा लिन प्रहरीले पाँच राउन्ड हवाई फायर गरेको छ ।  प्रहरीले मतपेटिका र कर्मचारी सुरक्षित राखेको जनाएको छ । अहिले झडप नियन्त्रणमा आएको विष्टले बताए । विवाद समाधान गरि मतदान गराउने विषयमा छलफल भइरहेको छ ।