मानव अधिकार तथा शान्ति समाजको आयोजनामा बुधबार सरकार र सिके राउतबीच भएको सहमतिको विरोध गर्दै सिंहदरबार दक्षिण गेटमा प्रदर्शन गर्ने एक दर्जनलाई प्रहरीले पक्राउ गरेको छ ।
दक्षिण गेटमा पुगेर प्रदर्शन सुरु गर्ने वित्तिकै प्रहरीले प्रदर्शनकारीलाई पक्राउ गरेको हो । प्रहरीले पक्राउ गरेपछि प्रदर्शनकारीले नारावाजी गरेका थिए । प्रहरीको हस्तक्षेपपछि प्रदर्शनकारी तितर-वितर भएका छन् ।