संक्रमण फैलिन नदिन भनी एसियाली यस मुलुकले लिएका कडा क्वारेन्टिन बस्नुपर्ने प्रावधानले साना व्यापारीहरूको व्यवसायलाई धराशायी बनाएको भन्दै राहतका लागि यो कदम चालिएको दक्षिण कोरियाली जनस्वास्थ्य तथा सामाजिक कल्याण मन्त्रालयले जनाएको छ।     
     
दक्षिण कोरियाले कोभिड–१९ महामारीविरुद्ध सामाजिक दूरीसम्बन्धी नियमलाई करिब तीन हप्तासम्मका लागि कम गर्ने निर्णय गरेको हो। मन्त्रालयद्वारा जारी विज्ञप्तिमा ओमिक्रोन भेरिएन्ट द्रुत गतिमा फैलिएको भए पनि यो दिशानिर्देश मार्च १३ सम्म अर्थात् तीन हप्ता कायम रहनेछ। सुरुका दिनमा अन्य देशको तुलनामा कोभिड संक्रमणदरलाई नियन्त्रण गर्न सफल दक्षिण कोरियामा कोभिडको ओमिक्रोन संक्रमणले स्वास्थ्य क्षेत्रलाई विशेष चुनौती सिर्जना गरेको छ।     

तुलनात्मक रूपमा कम मृत्यु र अस्पतालमा भर्ना भएका समय पनि नौ हप्ताका लागि कडा सामाजिक दूरीसम्बन्धी गत नौ हप्ताका लागि गरिएको दिशानिर्देशले साना व्यवसाय र लगानीकर्तालाई आर्थिक दबाब परेको मन्त्रालयले बताएको छ। नयाँ निर्देशिकाअनुसार निजी जमघटका लागि अनुमति लिएका व्यक्तिको अधिकतम संख्या देशव्यापी रूपमा ६ जनाको रहेको छ। तर, व्यावसायिक कर्फ्यु भने एक घन्टा लम्बिनेछ।     
     
रेस्टुरेन्ट, क्याफे, भित्री खेलकुद भवन र कराओकेका साथै रात्रिकालीन मनोरञ्जनका साथै बार र रात्रिकालीन मनोरञ्जन सुविधा स्थानीय समयको १० बजेसम्म खोल्न अनुमति दिइनेछ। शुक्रबार सार्वजनिक सरकारी तथ्यांकअनुसार दक्षिण कोरियामा पछिल्लो २४ घन्टामा एक लाख दुई हजार २११ जनामा कोभिड पुष्टि भएको छ। यो संख्या अघिल्लो दिनको तुलनामा करिब नौ हजारले कमी हो। यससँगै अहिलेसम्म कोभिड संक्रमितको कुल संख्या १८ लाख ५८ हजारभन्दा पुगेको छ। गम्भीर अवस्थामा रहेका संक्रमितहरूको संख्या करिब ४०० रहेको छ।