Read Time : < 1 मिनेट
२०७८ माघ ७ शुक्रबार १५:५३:००
जिल्ला प्रशासन कार्यालय काभ्रेपलाञ्चोकले नागरिकता वितरणलगाायतका सेवा स्थगित गरेको छ। कर्मचारीलाई कोरोना संक्रमण पुष्टि भएपछि प्रशासनले सूचना जारी गरी सेवा प्रवाह स्थगित गरेको जनाएको हो।
सहायक प्रमुख जिल्ला अधिकारी अमरदीप सुनुवारले जारी गरेको सूचनामा संक्रमणलाई मध्यनजर गर्दै माघ ९ देखि १४ गतेसम्मका लागि अत्यावश्यक सेवाबाहेक नयाँ नागरिकता वितरण, प्रतिलिपि नागरिकता वितरण, संघसंस्था तथा हातहतियारसम्बन्धी कार्यहरू, नाबालक परिचयपत्र, राहदानी, राष्ट्रिय परिचयपत्र वितरणलगायतका काम स्थगित गरिएको उल्लेख छ।