सर्वोच्च अदालतको मुद्दा व्यवस्थापन प्रणाली अवरुद्ध हुने भएको छ । सर्वोच्चका अनुसार सर्भर अद्यावधिक गर्न लागिएकाले बिहीबार अपराह्न ४ बजेदेखि शुक्रबार बिहान ९ बजेसम्म मुद्दा व्यवस्थापन प्रणाली अवरुद्ध हुन लागेको हो।
सर्वोच्चले सूचना निकालेर मुद्दा व्यवस्थापनलगायतका प्रणालीमा अवरोध आउने भएकाले पेसीमा स्थिति जनाउनेलगायतका कार्य बिहीबार ४ बजेभित्र सक्न अनुरोध गरेको छ।
सर्वोच्चले सर्भर अद्यावधिक गर्दा शुक्रबारसमेत प्रणालीमा समस्या आउन सक्ने जानकारी गराएको छ। प्रणालीमा समस्या आएमा सूचना प्रविधि शाखामा सम्पर्क गर्न पनि सर्वोच्चले अनुरोध गरेको छ ।