मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
२०७८ कार्तिक १० बुधबार ११:३२:००
Read Time : < 1 मिनेट
समाचार डिजिटल संस्करण

एमाले अधिवेशन : बाँकेका ६ पालिकामा सर्वसम्मत

Read Time : < 1 मिनेट
२०७८ कार्तिक १० बुधबार ११:३२:००

बाँकेका ६ स्थानीय तहमा नेकपा (एमाले)ले सर्वसम्मत नेतृत्व चयन गरेको छ। दुई स्थानीय तहमा भने नेतृत्व चयन हुन नसकेपछि अधिवेशन स्थगन भएको छ।

नेपालगन्ज उपमहानगरपालिकासहित ६ स्थानीय तहमा सर्वसम्मत नेतृत्व चयन भए पनि कोहलपुर नगरपालिका र बैजनाथ गाउँपालिकामा मंगलबार रातिसम्म नेतृत्व चयन हुन नसकेपछि स्थगन भएको एमाले बाँकेका अध्यक्ष नीरक गुरुङले जानकारी दिए। ती पालिकामा आज पुनः नेतृत्व चयन प्रक्रिया सुरु हुनेछ। उपमहानगरपालिकामा दत्तप्रसाद आचार्यको नेतृत्वमा उपाध्यक्षमा हकिम हलवाई, सचिवमा मोहित शाह, उपसचिवमा दिग्विजय ढुंगाना र उषा थापा सर्वसम्मत रूपमा चयन भएका अध्यक्ष आचार्यले जानकारी दिए।

खजुरा गाउँपालिकाको अध्यक्षमा गेहेन्द्र धिताल, उपाध्यक्षमा झगबहादुर पौडेल, सचिवमा देउमाया थापा, उपसचिवमा लल्लन यादव र साविर जोलाहा चयन भएका छन्। जानकी गाउँपालिकाको अध्यक्षमा विश्रामकुमार बर्मा, उपाध्यक्षमा रामनरेश मौर्य, सचिवमा राजितराम यादव, उपसचिवमा यज्ञश्वरी शाह र अशोक राना निर्वाचित भएका छन्। 

यसैगरी, राप्तीसोनारी गाउँपालिका कमिटीको प्रथम अधिवेशनले अध्यक्षमा मनोज केसी, उपाध्यक्षमा मदन वली, सचिवमा सुधा थारू, उपसचिवमा पूर्ण चौधरी र घनश्याम बस्नेतलाई चयन गरेको एमाले नेता सूर्य ढकालले जानकारी दिए। नेकपा एमाले डुडुवा गाउँपालिकाको अध्यक्षमा शकिल खान, उपाध्यक्षमा विष्णु भण्डारी, सचिवमा विनयराज त्रिपाठी, उपसचिवमा लल्लनप्रसाद पाण्डे र ध्रुवकुमार चौधरी बर्मा निर्वाचित भएका छन्। नरैनापुरमा अध्यक्षमा पञ्चराम यादव, उपाध्यक्षमा प्रमोद मिश्रा, सचिवमा सुनैना मिश्रा, उपसचिवमा पारसनाथ पाण्डे र इन्द्रजित यादव चयन भएका हुन्। रासस