इन्द्रजात्राको अवसरमा एक दिन  बसन्तपुरमा महिलाहरुले श्वेत भैरवको मुखबाट प्रसाद ग्रहण गर्छन्। हनुमानढोका दरबार अगाडि लिङ्गो ठड्याएपछि सुरु भएको इन्द्रजात्राको छैठौं दिन महिलाहरुका लागि विषेश मानिन्छ। जात्रा नसकिँदासम्म हरेक दिन बेलुकी श्वेत भैरवको प्रसाद स्वरुप जाँड र समयबजी खुवाइने प्रचलन छ। उपत्यकामा ८ दिनसम्म वर्षा र सहकालका देवता इन्द्रको पूजाआरधना गरेर इन्द्रजात्रा मनाइन्छ।