नेकपा एकीकृत समाजवादीको केन्द्रीय कमिटी बैठक मंगलबार काठमाडौंमा बस्ने भएको छ । करिब एक महिनाअगाडि एमालेबाट विभाजित भएको माधवकुमार नेपाल नेतृत्वको एकीकृत समाजवादीको केन्द्रीय कमिटी बैठक पहिलोपटक बस्न लागेको हो ।
दुई दिनसम्म चल्ने बैठकमा समसामयिक राजनीतिक विषयवस्तु, संगठन विस्तार र आगामी रणनीति तय गर्ने नेता विरोध खतिवडाले जानकारी दिए । विभिन्न विभाग र आयोग तथा जनवर्गीय संगठनको गठन, पुनर्गठनलगायतका विषयमा पनि बैठकले निर्णय लिनेछ ।
सरकारमा सहभागिताको विषयमा पनि बैठकमा छलफल हुनेछ । बैठकले केन्द्रीय नेताको जिम्मेवारी पनि तोक्ने भएको छ ।