लेखक सुजित मैनालीको अनुसन्धानात्मक पुस्तक ‘सती : इतिहास र मीमांसा’ सार्वजनिक भएको छ। यसै साता बजारमा उपलब्ध भएको ‘सती’ किताब पब्लिसर्सले प्रकाशन गरेको हो।

मैनालीले पुस्तकमा सती प्रथाबारे गहिरोसँग प्रकाश पार्ने कोसिस गरेका छन्। मैनालीका अनुसार नेपाल र भारतमा अभ्यस्त सती प्रथाबारे करिब सात वर्ष अध्ययन–अनुसन्धान गरेर पुस्तक तयार पारिएको हो।

पुस्तकमा आठवटा अध्यायहरू छन्। त्यसबाहेक ४२ परिशिष्टहरूमा किंवदन्ती, अनुश्रुति र अभिलेखहरूको विवरण समेटिएका छन्।

लेखनमा अन्तर्विधागत पद्धतिलाई जोड दिने सुजित मैनालीको यो दोस्रो पुस्तक हो। यसअघि ०७६ सालमा उनको ‘शिलान्यास : नेपाल निर्माणको नालीबेली’ प्रकाशित भएको थियो।