एनसेल आजियाटा लिमिटेडले ‘डेटा सधैँ अन’ नामक अभियान सुरु गरेको छ । कम्पनीले मोबाइल ब्रोडब्यान्ड सेवाबाट पाउन सकिने अवसरहरूबाट लाभ लिनका लागि एनसेल फोरजी नेटवर्कका साथ सधैँ कनेक्टेड र अन रहन प्रोत्साहन गर्ने उद्देश्यले अभियान सुरु गरेको हो । 

ग्राहकलाई सधैँ डिजिटल्ली कनेक्टेड रहन प्रोत्साहित गर्नका लागि ‘डेटा सधैँ अन’ अभियानअन्तर्गत विभिन्न सेवा तथा अफरहरू सुलभ दरमा प्रदान गर्ने कम्पनीले जनाएको छ । मोबाइल ब्रोडब्यान्डको फाइदा सुनिश्चित गराउँदै कम्पनीले विभिन्न उपभोक्तामैत्री अफरहरू ल्याउने प्रतिबद्धता व्यक्त गरेको छ । 

कम्पनीले नवीन प्रविधिहरू भित्र्याउँदै विश्वस्तरीय सेवा तथा ग्राहक अनुभव प्रदान गर्ने प्रतिबद्धताअनुसार दुईतिहाइभन्दा बढी जनसंख्यामा फोरजी सेवाको विस्तार गरिसकेको जनाएको छ । कोभिड–१९ को अवरोधका बाबजुद फोरजी ब्रोडब्यान्ड सेवालाई देशका पाँच सय ५० भन्दा बढी स्थानीय तहसम्म विस्तार गरिसकेको कम्पनीको भनाइ छ ।