अर्घाखाँचीको शितगंगा नगरपालिका-३ बरबोटमा माइक्रो बस (हायस)  दुर्घटना हुँदा एक जनाको मृत्यु भएको छ । पाँच जना घाइते भएका छन् ।  मृत्यु हुनेमा भूमिकास्थान नगरपालिका-९ का सन्जय बिक रहेको प्रहरीले जनाएको छ। 

काठमाडौंबाट अर्घाखाँची आउँदै गरेको बा३ख ८६३९ नम्बरको हायस बिहान ५ बजेतिर  शितगंगा-३ को आर्मी ब्यारेक नजिकै दुर्घटना भएको हो। दुर्घटनामा परेर २ जना गम्भीर  घाइते भएका छन् । गाडिमा चालक सहचालक सहित  १३ जना  यात्रु सवार रहेको बताईएको छ । 

गम्भीर  घाइते २ जना सहित अन्य घाइतेलाई प्राथमिक उपचार केन्द्र ठाडामा सामान्य उपचारपछि बुटवल पठाईएको इलाका प्रहरी कार्यालय ठाडाले जनाएको छ । घटनाको थप बिबरण आउन बाँकी छ । हायस सडकबाट करिब  सय मिटर तल खसेको छ ।