भारतको आसाममा उग्रवादी समूहले सातवटा ट्रकमा आगजनी गरेको छ। बिहीबार राति भएको यो घटनामा उनीहरूले ट्रकसहित पाँचजना चालकलाई जिउँदै जलाएका भारतको दैनिक पत्रिका भास्करले जनाएको छ।

उनीहरू पाँचैजनाको जलेर घटनास्थलमा नै मृत्यु भएको जनाइएको छ। आगजनीअघि कैयौँपटक गोली चलेको आवाज सुनिएको थियो। राजधानी गुवाहाटीबाट करिब दुई सय किलोमिटरको दूरीमा रहेको दिमा हसाओ जिल्लामा भएको यो ‘आक्रमण’मा परी अन्य तीनजना घाइते भएका छन्।

यस घटनामा उग्रवादी समूह दिमासा नेसनल लिबरेसन आर्मी (डिएनएलए)को संलग्नता रहेको आसाम प्रहरीको आशंका छ।