Skip This
प्रदेश १ सरकारले आगामी आर्थिक वर्षका लागि बजेट प्रस्तुत गरेको छ । मंगलबार प्रदेश सभाको बैठकमा प्रदेश १ सरकारका आर्थिक मामिला तथा योजनामन्त्री टंक आङबुहाङले आगामी आर्थिक वर्ष ०७८/७९ का लागि ३२ अर्ब ४६ करोड ९२ लाखकाे बजेट प्रस्तुत गरेका हुन् ।
मन्त्री आङबुहाङले आगामी वर्ष ३ दशमलव ६ प्रतिशत आर्थिक वृद्धि हुने अनुमान गरिएको बताए । चालू आर्थिक वर्षको बजेट हालसम्म ४० प्रतिशत खर्च भइसकेको र असार मसान्तसम्म ६० प्रतिशत खर्च हुने उनले बताए ।
बजेटमा कोभिड संक्रमण रोकथाम, स्वास्थ्य उपचार र सेवामा विशेष जोड दिइएको छ । यसबाहेक रोजगारी वृद्धि र सुशासनमुखी सन्तुलित विकासमा पनि जोड दिइएको उनले बताए ।
प्रदेश १ सभामा २७ जेठमा आगामी आर्थिक वर्षका लागि नीति तथा कार्यक्रम प्रस्तुत भएको थियो । उक्त नीति कार्यक्रम ३० जेठमा बहुमतले पारित भएको थियो ।
