नेपालमा थप ५३ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयले सोमबार साँझ सार्वजनिक गरेको विवरणअनुसार हालसम्म मृत्यु हुने संक्रमितको संख्या आठ हजार चार सय ६५ पुगेको छ ।
मन्त्रालयका अनुसार पछिल्लो २४ घन्टामा दुई हजार नौ सय १८ संक्रमित थपिएका छन् भने पाँच हजार एक सय ४७ जना संक्रमणमुक्त भएका छन् ।
हालसम्म पाँच लाख ३६ हजार दुई सय ५२ जना संक्रमणमुक्त भएको मन्त्रालयले जनाएको छ । नेपालमा निको हुने दर ८७.८ प्रतिशत रहेको छ ।