कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र एमालेबाट निष्कासित वरिष्ठ नेता माधवकुमार नेपालबीच छलफल भइरहेको छ । छलफलका लागि प्रचण्ड र नेपाल देउवानिवास बुढानीलकण्ठ पुगेका हुन् ।
स्थायी कमिटीका नेताहरूसँगको भर्चुअल छलफलपछि नेपाल सोमबार साँझ बुढानीलकण्ठ पुगेका छन् । नेपाल सोमबार साँझ देउवानिवास पुगेका हुन् ।
सोमबार दिउँसो देउवासँग छलफल गरेका प्रचण्ड साँझ पुनः बुढानीलकण्ठ पुगेका छन् । देउवा, प्रचण्ड र नेपालबीच समसामयिक राजनीतिक विषयमा छलफल भइरहेको कांग्रेस स्रोतले जनाएको छ ।
प्रदेश सरकारमा विपक्षी गठबन्धनको रणनीति तय गर्न देउवा, प्रचण्ड र नेपाल छलफलमा जुटेको एक नेताले बताए ।