आगामी ७–९ वैशाखमा महाधिवेशनको मिति तय गरेको राष्ट्रिय जनता पार्टी (राजपा)ले अझै सदस्य टुंग्याएको छैन । मंसिरसम्म सदस्यता वितरण र नवीकरण सक्ने लक्ष्य लिए पनि अझै नटुंगेको महासचिव केशव झाले बताए । उनका अनुसार सदस्यता वितरण र नवीकरण गर्ने समय तेस्रोपटक थपेर १५ फागुनसम्म पु-याइएको छ ।
यसअघि पुस मसान्त हुँदै माघ मसान्तसम्मको समय दिइएको थियो । मधेस केन्द्रित ६ दल मिलेर ७ वैशाख ०७४ मा बनेको राजपाले एकता महाधिवेशन गर्न लागेको हो । राजपाले प्रतिनिधिसभामा १७ र राष्ट्रिय सभामा २ सिट जितेको छ ।
सदस्य ७ लाख पु-याउने लक्ष्य
साधारण सदस्य ७ लाख र सक्रिय सदस्य ३ लाख पु-याउने लक्ष्य रहेको महासचिव झाले बताए । हाल साधारण सदस्य ६ लाख र सक्रिय सदस्य २ लाख रहेको उनले जनाए । राजपाले फागुन मसान्तसम्म सदस्यता नवीकरण र वितरणको सम्पूर्ण कार्य सक्ने, चैतसम्म वडा, गाउँ, नगर, प्रदेश सभा तथा प्रतिनिधिसभा निर्वाचन क्षेत्र, जिल्ला र प्रदेश अधिवेश सम्पन्न गर्ने जनाएको छ ।