पूर्व उपप्रधानमन्त्री एवं कांग्रेसका उपसभापति विजयकुमार गच्छदारकी श्रीमती निर्मला गच्छदारको निधन भएको छ । काठमाडौंको नर्भिक अस्पतालमा उपचाररत उनको शनिबार बिहान ४:४५ बजे निधन भएको गच्छदारका स्वकीय सचिव कन्हैया ठाकुरले जानकारी दिए ।

लामो समयदेखि कलेजोको बिरामीसमेत रहेकी उनलाई भारतस्थित नयाँ दिल्लीमा उपचारपछि नेपाल फर्काइएको थियो । त्यसयता नर्भिकमै उपचाररत उनलाई दुई दिनअघि कोरोना संक्रमण पुष्टि भएको थियो ।