माओवादी केन्द्रको स्थायी कमिटी बैठक स्थगित भएको छ । पार्टी कार्यालय कोटेश्वरमा सोमबार दिउँसो १ बजेका लागि बोलाइएको बैठक स्थगित भएको हो ।
सरकारले संसद्को हिउँदे अधिवेशन अन्त्य गरेपछि विकसित राजनीतिक घटनाक्रमबारे अन्य दलहरूसँग छलफल गर्न बैठक स्थगित गरिएको स्थायी कमिटी सदस्य गणेश साहले जानकारी दिए । अन्य दलहरूसँगको छलफलको आधारमा बैठक तय हुने उनले बताए ।
सरकारलाई दिएको समर्थन फिर्ताबारे सोमबारको बैठकमा छलफल हुने बताइएको थियो ।