- वि.सं २०८१ बैशाख ८ शनिबार
हङकङलाई कर्मथलो बनाइरहेका दाजु गुरुङको कथासंग्रह टाँकीका फूलहरू बजारमा आएको छ । संग्रहमा हङकङ पुगेका नेपालीलाई पात्र बनाइएको छ ।
संग्रहमा १६ कथा छन् । मेरो छिमेकी र रोक्सी, हराएको मान्छे, मोनिका, बिर्सिएका साँझ, मिलेनियम, ब्याज, मुन्ना चौधरी, सतासी मामा, सुनाखरी ओइलाएपछि, चोइ–साम, मङ्की हिल, मौइसीलगायत कथा छन् ।
एक दशक संखुवासभाको वरुण बहुमुखी क्याम्पस प्रमुखको जिम्मेवारी सम्हालेका कथाकार गुरुङ आफ्ना अनुभवलाई सरल तरिकाले कथाका रूपमा प्रस्तुत गरेको बताउँछन् । हङकङ आइडीका कारण परिवारमा आउने समस्यालाई पनि उनले कथामा उनेका छन् । भुँडीपुराण प्रकाशनले बजारमा ल्याएको पुस्तकको मूल्य २ सय ५० रुपैयाँ छ ।
