Skip This
सूर्य नेपाल प्रालि सेराटार तनहुँले म्याग्दे गाउँपालिकालाई एउटा एम्बुलेन्स हस्तान्तरण गरेको छ । सूर्य नेपालका फ्याक्ट्री म्यानेजर बाबुराम कार्की, एचआर म्यानेजर अन्जन दुवाडी, कमर्सियल म्यानेजर गौतम यादव तथा सुरक्षा विभाग प्रमुख होमनाथ अर्याललगायतको सहभागितामा एम्बुलेन्स हस्तान्तरण गरिएको हो ।
म्याग्दे गाउँपालिकामा आयोजित कार्यक्रममा गाउँपालिका अध्यक्ष मायादेवी राना आले, उपाध्यक्ष बालकृष्ण घिमिरे, प्रमुख कार्यकारी नारायणप्रसाद अधिकारी, म्याग्दे गाउँपालिका वडा नं. ६ का अध्यक्ष बसन थापालगायतको उपस्थितिमा गाउँपालिकालाई एम्बुलेन्स हस्तान्तरण गरिएको कम्पनीले जनाएको छ । कम्पनीले २०७७ असोजमा शुक्लागण्डकी नगरपालिकालाई एम्बुलेन्स हस्तान्तरण गरेको थियो ।
कार्यक्रममा कम्पनीका फ्याक्ट्री म्यानेजर बाबुराम कार्कीले उक्त क्षेत्रको समग्र विकासका लागि स्थानीयसँग सहकार्य गर्दै अघि बढ्ने नीति रहेको बताए ।
