नयाँ वर्ष २०७८ को अवसर पारेर टिसिएल ब्रान्डका उत्पादन नेपालमा बिक्री–वितरण गर्दै आएको सिजी इलेक्ट्रोनिक्सको इओएल प्रालिले विभिन्न प्रवर्द्धनात्मक अफर ल्याएको छ । अफरअन्तर्गत नगद छुट तथा विभिन्न प्रकारका सामान उपहार दिने गरी कम्पनीले योजना ल्याएको हो ।
अफरमा टिसिएलका टिभी, वासिङ मेसिन, एयर कन्डिसनर खरिद गर्दा क्यासब्याक पाउने जनाइएको छ । कम्पनीले ३ वर्षको वारेन्टी भएको टिभीमा ७२ हजार ९ सय रुपैयाँसम्मको क्यासब्याक, मोटर र पिसिबीमा ५ वर्षको वारेन्टी भएको फ्रन्ट लोडिङ वासिङ मेसिनमा ५ केजी एक्स्ट्रा वासिङ पाउडर र १४ हजार ६ सय रुपैयाँसम्मको क्यासब्याकको अफर रहेको जनाइएको छ ।
त्यस्तै, मोटरमा ३ वर्षको वारेन्टी भएको टप लोडिङ वासिङ मेसिनमा ५ केजी एक्स्ट्रा वासिङ पाउडर र ७ हजार ५ सय रुपैयाँसम्मको क्यासब्याक तथा एयर कन्डिसनरमा ५ वर्षको वारेन्टीका साथै निःशुल्क जडानको सुविधा रहेको कम्पनीले जनाएको छ ।