नेपाली कांग्रेसका सभापति शेरबहादुर देउवाले सरकारमा सहभागी हुन कांग्रेसले मरिहत्ते नगरेको बताएका छन् ।

मंगलबार विराटनगर विमानस्थलमा सञ्चारकर्मीसँग कुरा गर्दै देउवाले कांग्रेस अहिले प्रतिपक्षमा रहेकाले सरकारमा सहभागी नहुने बताएका हुन्  ।

उनले भने, ‘हाम्रो  पार्टी प्रतिपक्षी भएकाले वर्तमान सरकारमा सहभागी हुँदैन,  जनताले कांग्रेसलाई प्रतिपक्षको भूमिका निर्वाह गर्न आदेश दिएकाले सोहीअनुसार सशक्त भूमिका निर्वाह गर्नेछ ।’