प्रमुख प्रतिपक्षी दल कांग्रेसको पदाधिकारी र पूर्वपदाधिकारी बैठक सुरु भएको छ । पार्टी कार्यालय सानेपामा सुरु बैठकमा सभापति शेरबहादुर देउवा, वरिष्ठ नेता रामचन्द्र पौडेल, उपसभापति विमलेन्द्र निधि, महामन्त्री शशांक कोइराला, पूर्वमहामन्त्री कृष्ण सिटौलालगायतका नेताहरू सहभागी छन् ।
पार्टीको १४औँ महाधिवेशनको सन्दर्भमा छलफल हुने नेताहरूले बताएका छन् । समसामयिक राजनीतिक घटनाक्रमबारे पनि बैठकमा छलफल हुने भएको छ ।
राष्ट्रिय राजनीति र महाधिवेशनबारे ठोस पहल नभएको भन्दै पौडेल पक्षले असन्तुष्टि जनाइरहेको वेला सभापति देउवाले पदाधिकारी र पूर्वपदाधिकारीको बैठक बोलाएका हुन् ।