नेपाल बंगलादेश बैंक लिमिटेड र हिमाल डेन्टल हस्पिटलबीच छुटसम्बन्धी सम्झौता भएको छ । बैंकका कर्मचारी, कर्मचारीका परिवार तथा सम्पूर्ण खातावालले हिमाल डेन्टल हस्पिटलका सबै शाखामा उपचार गर्दा लाग्ने रकमको २० प्रतिशतसम्म छुट पाउने सम्झौता भएको हो ।
सम्झौतामा बैंककी सहायक महाप्रबन्धक सलोनिका सिंह तथा डेन्टल हस्पिटलका अध्यक्ष तथा प्रबन्ध निर्देशक डा. राजेन्द्र भट्टले हस्ताक्षर गरेको जनाइएको छ । हिमाल डेन्टल हस्पिटलको काठमाडौं उपत्यकामा ५ तथा उपत्यकाबाहिर ८ वटा हस्पिटल रहेको जनाइएको छ । सबै स्थानबाट छुट प्राप्त गर्न सकिने बैंकले जनाएको छ ।
बंगलादेश बैंकले ९९ शाखा, ७ एक्सटेन्सन काउन्टर तथा ८१ एटिएममार्फत बैंकिङ सुविधा दिँदै आएको जनाएको छ ।