प्रदेश १ को प्रदेश सभा बैठक २ चैतसम्मका लागि स्थगित भएको छ । गत ९ फागुनमा मुख्यमन्त्री शेरधन राईविरुद्ध अविश्वासको प्रस्ताव पेस हुनासाथ २० फागुनसम्मका लागि प्रदेश सभा बैठक स्थगित भएको थियो । बैठक सुरु हुनुभन्दा एक दिनअघि सूचना टाँसेर २ चैतसम्मका लागि स्थगित भएको हो । 

प्रदेश सभाका सचिव गोपालप्रसाद पराजुलीले बुधबार सूचना जारी गर्दै २० फागुनमा बोलाइएको बैठक विशेष कारणले स्थगित भएको जनाएका छन् । आगामी बैठकमा मुख्यमन्त्री राईविरुद्धको अविश्वास प्रस्तावमाथि छलफल हुनेछ ।