मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका विराटनगर
२०७७ फाल्गुण ११ मंगलबार ०९:२४:००
Read Time : < 1 मिनेट
समाचार प्रिन्ट संस्करण

प्रतिगमनको विरोधमा दलितको प्रदर्शन

Read Time : < 1 मिनेट
नयाँ पत्रिका, विराटनगर
२०७७ फाल्गुण ११ मंगलबार ०९:२४:००

प्रतिनिधिसभा विघटनको विरोधमा सोमबार दलित समुदायले प्रदेश १ को राजधानी विराटनगरमा प्रदर्शन गरेको छ । नेपाल दलित मुक्ति संगठनको नेतृत्वमा प्रदर्शन भएको हो । 

विराटनगरको तीनपैनीबाट निस्किएको जुलुसले प्रतिगमनको विरोधमा नाराबाजी गर्दै विराटनगर बजार परिक्रमा गरी ट्राफिक चोकमा पुगेर कोणसभा गरेको थियो । 

प्रदर्शनमा सहभागी हुन मोरङका विभिन्न स्थानबाट दलितहरू विराटनगर आएका थिए । कोणसभामा प्रदेश १ सांसद उमिता बराइली, दलित मुक्ति संगठनका नेता कृष्ण रसाइली, नेकपा केन्द्रीय सदस्य महेश रेग्मी, प्रदेश सदस्य भोगेन्द्र यादव, दलित मुक्ति संगठन मोरङका संयोजक कपिल सुनारलगायतले प्रतिगमन रहेसम्म दलितका हक अधिकार सुनिश्चित हुन नसक्ने बताएका थिए ।

उनीहरूले प्रतिनिधिसभा पुनस्र्थापना भएर संविधानको रक्षा भए मात्र दलितहरूले त्याग र बलिदान दिएर प्राप्त भएका दलित अधिकारको रक्षा हुने बताए ।