- वि.सं २०८१ बैशाख १२ बुधबार
धनगढी धनगढी प्रिमियर लिग (डीपीएल) क्रिकेटको तेस्रो संस्करणअन्तर्गत तेस्रो खेलमा सिवाईसी अत्तरियाले धनगढी स्टार्सलाई जितका लागि ९६ रनको सामान्य लक्ष्य दिएको छ । टस जितेर पहिले ब्याटिङ गरेको अत्तरियाले पुरै २० ओभर खेल्दै ५ विकेट गुमाएर ९५ रन मात्र बनाउन सकेको थियो ।
फाप्ला क्रिकेट मैदानमा दिपेन्द्र सिंह ऐरीको कप्तानीमा रहेको अत्तरियाका लागि सन्नी पटेलले अविजित रहदै २८ बलमा सर्वाधिक ३५ रन जोडे भने जयकिशन कोश्लावालाले २१ रनको योगफल बनाए ।
त्यस्तै प्रेम तामाङले १२ रन बनाए भने कप्तान दिपेन्द्र सिंह ऐरीले ११ रन बनाए । सोमपाल कामीको धनगढीका लागि भने रोहन मुस्तफाले २ विकेट र अमीर हायत, सोमपाल कामी र बिपिन खत्रीले १/१ विकेट लिए । पहिलो खेलमा काठमाडौं गोल्डेन्ससंग ४ विकेटले पराजित धनगढी पहिलो जितको खोजीमा हुनेछ ।
