कपिलवस्तुको बुद्धभूमि नगरपालिकामा रहेको साना किसान कृषि सहकारी संस्था र साना किसान कृषि सहकारी संस्था मर्जरमा जाने भएका छन् । दुई सहकारीको मर्जरपछि नगरकै ठूलो सहकारी बन्ने भएको हो ।
आइतबार सम्पन्न साना किसान कृषि सहकारी संस्था बरकुलपुरको १६आैं वार्षिक साधारण सभामा सहकारीका अध्यक्ष खुमानन्द न्यौपानेले मर्जरपछि प्रदेशकै नमुना सहकारी बनाउने बताए । कार्यक्रमका प्रमुख अतिथि जिल्ला समन्वय समितिका अध्यक्ष नारायण खनालले सहकारीहरूले कृषि क्षेत्रमा पहुँच बढाउनुपर्ने बताएका छन् ।
त्यस्तै, बुद्धभूमि नगरपालिकाका प्रमुख केशव कुमार श्रेष्ठले सहकारीका माध्यमबाट गाउँगाउँमा सेवामुखी भई काम गर्नुपर्ने बताएका छन् । साधारण सभामा ७२ करोड १२ लाख ६ हजारको आय व्यय प्रस्तुत गरिएको थियो । संस्थाको कुल सेयर दुई करोड १० लाख, निक्षेप संकलन ३४ करोड ३३ लाख रहेको संस्थाका लेखा संयोजक सुरेन्द्रप्रसाद खनालले बताए ।
संस्थाले गत आवमा एक करोड ७३ लाख ३० हजार मुनाफा गरेको छ । त्यस्तै, मर्जरमा जान लागेको बुड्ढी साना किसान को नाफा एक करोड १ं० लाख रहेको छ । सेयर ६५ लाख निक्षेप संकलन १४ करोड ५० लाख रहेको छ । दुवै मर्जरपछि सदस्य संख्या पाँच हजार बढी हुनेछ ।